وزارة الاتصالات: إطلاق خدمة الاستعلام الائتماني للأفراد عبر منصة مصر الرقمية






        

خطوة جديدة في طريق التحول الرقمي الكامل

دلوقتي الدولة وفرت على منصة مصر الرقمية خدمة الاستعلام عن الـ Iscore الائتماني بسهولة ومن غير زيارة البنك.

يعني إيه Iscore؟

ده رقم بيحدد وضعك الائتماني: أي كارت مشتريات، أي قرض، أي عملية تقسيط—كل ده متسجل في البنك المركزي وبيظهر في تقريرك.

التقرير بيعرض إجمالي الائتمان اللي واخده، وهل عليك أي متأخرات ولا لا.

ولو الـ Iscore بتاعك منخفض فده بيحطك شبه Black List قدام البنوك والجهات المالية.

طريقة الاستخدام:

تدخل على حسابك على منصة مصر الرقمية

تروح لتصفح الخدمات

تختار خدمة الاستعلام الائتماني Iscore

رسوم الخدمة حالياً 20 جنيه تخصم من الكارت 24 .. عليها تخفيض ومش معروف التخفيض ده هيفضل لحد إمتى.

وقبل كده نفس الخدمة كانت من البنوك بس، وكنت عملتها وسعرها كان حوالي 150 جنيه.

أخيرا لو معندكش كريدت كارد او مديونية للبنك ما تتعبش نفسك وتدفع فلوس عالفاضى